Елордада төбесіне металл конструкция құлаған әйел ауруханаға түсті

None
None
НҰР-СҰЛТАН. ҚазАқпарат – Нұр-Сұлтанда көпқабатты үй шатырынан металл конструкциясы құлады. Зардап шеккен әйел түрлі жарақат алып, жансақтау бөліміне түсті, деп хабарлайды ҚазАқпарат тілшісі.

«Аталған оқиға бойынша Нұр-Сұлтан қалалық қоғамдық денсаулық сақтау басқармасы көптеген жарақаты бар, оның ішінде ми жарақаты бар науқастың №2 көпбейінді қалалық ауруханаға жеткізілгенін хабарлайды. Қабылдау кезінде науқастың жағдайы ауыр деп бағаланды. Әйелге жедел түрде ота жасалды, қазіргі уақытта ол жансақтау бөлімінде жатыр», - деп хабарлады қалалық денсаулық сақтау басқармасы.

Басқарманың хабарлауынша, барлық қажетті емдеу шаралары жүргізіліп жатыр.

Науқас медицина қызметкерлерінің бақылауында.


Соңғы жаңалықтар