الماتى وبلىسىندا جىگىتىن قىزعانعان ايەل اۋىل تۇرعىنىن سەگىز جەردەن پىشاقتادى

None
None
تالدىقورعان. قازاقپارات - الماتى وبلىسىندا ايەل بىرگە تۇراتىن جىگىتىن قىزعانىپ، باسقا ايەلگە 8 جەردەن پىشاق سالدى، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ باسپا ءسوز قىزمەتى اتاپ وتكەندەي، 22- قازان تاڭعى 04.30 كەزىندە الماتى قالاسىنىڭ قالالىق كلينيكالىق اۋرۋحاناسىنان قاراساي ا پ ب كەزەكشى بولىمىنە حابار تۇسكەن.

وندا ماس كۇيدەگى 32 جاستاعى ايەلدىڭ پىشاق جاراقاتىمەن اۋرۋحاناعا جەتكىزىلگەنى ايتىلعان.

جابىرلەنۋشىنىڭ تۇرعىلىقتى جەرىنە بارعان تەرگەۋ توبى وقيعا بولعان جەردى تەكسەرىپ، جالعا الىنعان ۇيدە وتىرىس بولعانىن انىقتادى.

ءبىرقاتار جەدەل-ىزدەستىرۋ ءىس-شارالارىن وتكىزگەننەن كەيىن قاراساي اۋداندىق پوليتسيا ءبولىمىنىڭ جەدەل ۋاكىلدەرى كافەدە دەمالىپ جاتقان جابىرلەنۋشى سول جەردەن ءوز ۇيىنە بەيتانىس جۇپتى الىپ كەلگەنىن، ولارمەن بىرگە ىشىمدىك ىشكەنىن انىقتادى.

ءتارتىپ ساقشىلارى سولاردىڭ ءبىرى جاراقات سالۋى مۇمكىن دەپ بولجاعان. جۇرگىزىلگەن جۇمىستىڭ ناتيجەسىندە پوليتسيا كۇدىكتىنى «ءىزىن سۋىتپاي» ۇستاعان.

ول دالەلدەمەلەر ۇسىنعاننان كەيىن قىلمىستى مويىنداپ، ىشىمدىك ىشكەننەن كەيىن جابىرلەنۋشى سەرىگىنە تيىسە باستاعاندىقتان قىزعانىشپەن ونى اس ءۇي پىشاعىمەن بىرنەشە رەت كەۋدەسىنەن سوققانىن تۇسىندىرگەن.

قىلمىس قۇرالى - پىشاق تاركىلەندى. كۇدىكتى ۋاقىتشا يزولياتورعا قامالدى. اتالعان فاكت ق ر ق ك- ءنىڭ 24-بابى 3-بولىگى؛ 99-بابى 1-بولىگى بويىنشا تىركەلدى.

سوڭعى جاڭالىقتار