اسقاباقتىڭ ءدانى شاشتىڭ وسۋىنە سەپتىگىن تيگىزەدى

پۋسان ۇلتتىق ۋنيۆەرسيتەتىنىڭ مەديتسينا عالىمدارى اندروگەندى الوپەتسيا انىقتالعان 76 قاتىسۋشىنى الىپ، اسقاباقتىڭ دانىنەن الىنعان مايدى جاعىپ تاجىريبە جۇرگىزىپ كورگەن.

پلاتسەبو اسەرىن انىقتاۋ ءۇشىن تاعى قوسىمشا تاجىريبە جۇرگىزىلگەن.

پاتسيەنتتەر كۇنىنە 400 م گ اسقاباق مايىن جاققان ەكەن. باقىلاۋ 6 ايعا جالعاسقان. عالىمدار قاتىسۋشىلاردىڭ بۇرىنعى جانە كەيىنگى فوتوسۋرەتتەرىن سالىستىرىپ، اسقاباق ءدانىنىڭ مايىن جاققان ادامداردىڭ شاشى وسكەنىن، شامالى قالىڭداعانىن بايقاعان. ياعني، شاشتىڭ وسۋىمەن بىرگە قالىڭداۋى قاتار جۇرگەن.

ال تاجىريبەگە قاتىسقاندار پلاتسەبو كەزىندە جۇرگىزىلگەن تاجىريبەگە قاراعاندا اسقاباق مايىن جاعىپ وتكىزگەن تاجىريبەدەن جاقسى جاققا وزگەرىس بايقالعانىن ايتقان.

زەرتتەۋشىلەردىڭ مالىمەتشە، قاتىسۋشىلاردىڭ شاشى ورتا ەسەپپەن 40 پايىزعا دەيىن وسكەن. ال ەكىنشى توپتىكى 10 پايىزعا وسكەن كورىنەدى.

massaget.kz