17:29, 22 - قازان 2021 | GMT +6
دونالد ترامپتىڭ ءوز الەۋمەتتىك جەلىسى پايدا بولادى
نۇر- سۇلتان. قازاقپارات - دونالد ترامپ ءوزىنىڭ جەكە مەدياتوبىن قۇراتىنىن جاريا ەتتى، دەپ حابارلايدى «حابار 24».
سونىڭ باستاماسىمەن جاڭا الەۋمەتتىك جەلى ىسكە قوسىلادى. اتاۋى - TRUTH Social. مەدياحولدينگ وكىلدەرىنىڭ ايتۋىنشا، الەۋمەتتىك جەلى وپپوزيتسياعا ءوز ويىن ايتۋعا مۇمكىندىك بەرمەيتىن ءىرى تەحنولوگيالىق كومپانيالارعا باسەكەلەس بولادى.
ايتا كەتەيىك، ا ق ش- تىڭ بۇرىنعى پرەزيدەنتىنىڭ Twitter ،Instagram ،YouTube سەكىلدى جەلىلەردەگى پاراقشالارى بۇعاتتالعان. بۇعان 6 - قاڭتارداعى وقيعالار سەبەپ. ول كەزدە پرەزيدەنتتىك سايلاۋ ناتيجەسىنە كوڭىلى تولماعان دونالد ترامپ جۇرتتى تارتىپسىزدىككە شاقىردى دەپ ايىپتالىپ وتىر.