ا ق ش عالىمدارى دوڭىزدىڭ بۇيرەگىن ادامعا سالدى
ماماندار وپەراتسيانىڭ ءساتتى وتكەنىن ايتادى. بۇيرەك ءوز قىزمەتىن ءمىنسىز اتقارىپ تۇر. عالىمداردىڭ ايتۋىنشا، ادامعا سالىنعان بۇيرەك گەنەتيكالىق تۇرلەندىرىلگەن دوڭىزدىكى.
رەيتەرس اقپارات اگەنتتىگىنىڭ حابارلاۋىنشا، ناۋقاسقا ميدىڭ ءولىمى دەگەن دياگنوز قويىلعان ەكەن. ەندى اق حالاتتىلار دونور ماسەلەسى شەشىلەدى دەپ ءۇمىتتى. قازىر ءبىر عانا ا ق ش- تىڭ وزىندە 90 مىڭعا جۋىق ادام بۇيرەك ترانسپلانتاتسياسىنا مۇقتاج. ادەتتە ناۋقاستاردىڭ الدى دونوردى 5 جىلعا دەيىن كۇتەدى.
روبەرت مونتگومەري، ترانسپلانتولوگ:
- ءبىز گەنەتيكالىق تۇرلەندىرىلگەن شوشقانىڭ بۇيرەگىن ترانپلانتاتسيالادىق. ماماندار شوشقا مەن ادام اعزاسىنداعى سايكەسسىزدىكتى انىقتايتىن جاسۋشانى الىپ تاستادى. بۇرىن ءدال وسىنداي وپەراتسيا جاسالىنعاندا كوپ ۇزاماي اعزا دونوردى قابىلداماي قوياتىن. ەندى جانۋارلار اراسىنداعى گەنەتيكالىق ينجەنەريانىڭ ارقاسىندا جاڭا ءۇمىت پايدا بولدى.