مەملەكەت باسشىسى پرەمەر- مينيستر اسقار ماميندى قابىلدادى

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ پرەمەر- مينيستر اسقار ماميندى قابىلدادى، دەپ حابارلايدى قازاقپارات اقورداعا سىلتەمە جاساپ.

پرەزيدەنت قاسىم- جومارت توقايەۆقا قازاقستاننىڭ ەكونوميكالىق ءوسىم قارقىنى، الەۋمەتتىك ماڭىزى بار ازىق- تۇلىك باعالارىن تۇراقتاندىرۋ شارالارى، ەلدەگى سانيتارلىق- ەپيدەميولوگيالىق احۋال مەن باسقا دا وزەكتى ماسەلەلەر تۋرالى باياندالدى. مەملەكەت باسشىسى قازاقستان ەكونوميكاسىنىڭ قايتا قالپىنا كەلۋ ۇدەرىسى قارقىندى ءجۇرىپ جاتقانىن اتاپ ءوتتى.

بيىلعى 9 ايدىڭ قورىتىندىسى بويىنشا ىشكى جالپى ءونىمنىڭ ءوسىمى 3,4 پايىزدى قۇرادى. دەر كەزىندە داعدارىسقا قارسى قابىلدانعان شارالاردىڭ ارقاسىندا ەكونوميكا قايتا قالپىنا كەلدى. اسقار ماميننىڭ مالىمەتىنە سايكەس ناقتى سەكتورداعى تۇراقتى ءوسىم 3,5 پايىزعا ءوستى، سونداي- اق كارانتين شەكتەۋلەرىن جەڭىلدەتۋ ناتيجەسىندە قىزمەت كورسەتۋ سەكتورىنىڭ بىرتىندەپ قالپىنا كەلۋى ەكونوميكانىڭ قايتا ءوسۋىن ۇدەتتى. بۇل رەتتە، وڭدەۋشى ونەركاسىپتەگى ءوندىرىس كولەمى 5,7 پايىزعا ارتتى. قۇرىلىس سالاسى 9,7 پايىزعا ۇلعايدى. ەلىمىزدە 9 ايدىڭ ىشىندە 10,4 ميلليون شارشى مەتر تۇرعىن ءۇي پايدالانۋعا بەرىلدى. بۇل وتكەن جىلعى كورسەتكىشپەن سالىستىرعاندا 8 پايىزعا جوعارى.

پرەمەر- مينيستر مەملەكەت باسشىسىنا الەۋمەتتىك ماڭىزى بار تاۋارلاردىڭ باعاسىن تۇراقتاندىرۋ بويىنشا جۇرگىزىلىپ جاتقان جۇمىستار مەن ينفلياتسياعا قارسى ءىس- قيمىل شارالارىنىڭ جۇزەگە اسىرىلۋى جونىندە ايتتى. ۇكىمەت اگروونەركاسىپ كەشەنى سەكتورىندا قۇن قالىپتاستىرۋدىڭ بارلىق تىزبەگى بويىنشا باعانى تۇراقتاندىرۋ، ساۋدا جەلىلەرى مەن وتاندىق تاۋار وندىرۋشىلەرى اراسىندا ۇزاق مەرزىمدى كەلىسىمشارتتار جاساۋ، تاۋار اينالىمىن قارجىلاندىرۋدى كوبەيتۋ جانە تۇراقتاندىرۋ قورىنا ازىق- تۇلىك ساتىپ الۋدى ارتتىرۋ، سونداي- اق الەۋمەتتىك ماڭىزى بار ازىق- تۇلىكتىڭ ساۋدا ۇستەمەسىن جوعارىلاتۋ فاكتىلەرىنە جول بەرمەۋ شارالارى قابىلدانىپ جاتىر. بۇدان بولەك،

قاسىم- جومارت توقايەۆقا ەلىمىزدەگى سانيتارلىق- ەپيدەميولوگيالىق جاعداي جونىندە اقپارات بەرىلدى. قازىرگى تاڭدا بارلىق ايماقتاردا كوروناۆيرۋس جۇقتىرۋ دەڭگەيى تومەندەگەن، اۋىر ناۋقاستاردىڭ، ستاتسيونارلاردا جانە امبۋلاتورلىق ەم قابىلداپ جاتقانداردىڭ سانى ازايعان. ۆيرۋستىڭ تارالۋ يندەكسى - 0,96. جۇقپالى اۋرۋحانالاردىڭ 37 پايىزىندا، جانساقتاۋ بولىمدەرىنىڭ 31 پايىزىندا ناۋقاستار ەم الىپ جاتىر. 8,1 ميلليون ادام ەكپەنىڭ ءبىرىنشى كومپونەنتىن، 7,2 ميلليون ادام ەكىنشى كومپونەنتىن العان.

اسقار مامين پرەزيدەنتكە سىرتقى جانە ىشكى ينۆەستيتسيالاردىڭ كولەمىن ارتتىرۋ، شاعىن جانە ورتا بيزنەستىڭ الەۋەتىن ۇلعايتۋ، ايماقتاردى وركەندەتۋ، وڭدەۋشى سەكتوردى دامىتۋ جانە كەڭەيتۋ ەسەبىنەن ەكونوميكانىڭ قۇرىلىمدارىن ودان ءارى ءارتاراپتاندىرۋ جونىندە قابىلدانىپ جاتقان شارالار، سونداي- اق ەلىمىزدىڭ الەۋمەتتىك- ەكونوميكالىق دامۋىنىڭ باسقا دا وزەكتى ماسەلەلەرى بويىنشا باياندادى.

سوڭعى جاڭالىقتار