14:13, 22 - قازان 2021 | GMT +6
قازاقستاننىڭ باسىم بولىگىندە كۇن قايتا جىلىنا تۇسەدى - قازگيدرومەت بولجامى
نۇر-سۇلتان. قازاقپارات - «قازگيدرومەت» ر م ك- سى الداعى ءۇش تاۋلىكتىڭ كۇن رايى بولجامىن جاريالادى، دەپ حابارلايدى قازاقپارات.
كاسىپورىننىڭ قازاننىڭ 23-25 ارالىعىنا جاساعان بولجامىنا قاراعاندا، دەمالىس كۇندەرى كۇن قۇبىلمالى بولادى. قازاقستان اۋماعىنىڭ باسىم بولىگىنە يران اۋداندارىنان جىلى اۋا ماسسالارى كەلە باستايدى، بۇل اۋا تەمپەراتۋراسىنىڭ بىرتىندەپ كوتەرىلۋىنە ىقپال ەتەدى.
تەك قازاقستاننىڭ باتىس وڭىرلەرىنە عانا سولتۇستىك سيكلون جىراسى اسەر ەتىپ، اۋا تەمپەراتۋراسى تومەندەيدى. ءبىراق فرونتالدى جۇيەلەر ەلدىڭ بارلىق ايماقتارىنا ىقپالىن جالعاستىرادى - جاڭبىر مەن قار تۇرىندە جاۋىن- شاشىن بولادى.