كارانتين: ش ق و دا تۇنگى كلۋبتار جۇمىسىنا رۇقسات بەرىلدى

ش ق و باس مەملەكەتتىك سانيتارلىق دارىگەرىنىڭ جاڭا قاۋلىسى جاريالاندى. وندا «Ashyq» جوباسىنا قاتىساتىن وبەكتىلەر ءۇشىن جاڭا جۇمىس رەجيمى بەلگىلەنگەن.

وبلىس «قىزىل» جانە «قوڭىر قىزىل» ايماقتا بولعاندا نىساندار جۇمىس جانە دەمالىس كۇندەرى ساعات 00.00 گە دەيىن، ال «Ashyq» جوباسىنىڭ كوشباسشىلارى ساعات 02.00 گە دەيىن اشىق بولادى. «سارى» ايماقتا ساعات 01.00 گە دەيىن، «Ashyq» جوباسىنىڭ كوشباسشىلارى ساعات 03.00 گە دەيىن جۇمىس ىستەيدى. ال «جاسىل» ايماقتا ساعات 03.00 گە دەيىن، جوبا كوشباسشىلارىنا ساعات 05.00 گە دەيىن جۇمىس ىستەۋگە رۇقسات ەتىلدى»-دەلىنگەن قۇجاتتا.

وسى رەتتە، دەمالىس كۇندەرى مەكەمە قىزمەتكەرلەرى مەن كەلۋشىلەردە «جاسىل مارتەبە» بولۋى ءتيىس. سونداي- اق وڭىردە تۇنگى كلۋبتار «Ashyq» جۇيەسىندە «جاسىل» ستاتۋسى بار كەلۋشىلەر ءۇشىن جۇمىس ىستەي باستادى.