07:42, 22 - قازان 2021 | GMT +6
ەلباسى پرەزيدەنتتىكتەن باس تارتاتىنى تۋرالى مەملەكەت باسشىلارىنان كىمگە ءبىرىنشى حابارلادى
نۇر- سۇلتان. قازاقپارات – ق ر رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان نازاربايەۆ پرەزيدەنتتىكتەن باس تارتۋ تۋرالى شەشىمىمەن العاشقى بولىپ قاي ەلدىڭ پرەزيدەنتىنە حابارلاعانىن ايتتى، دەپ حابارلايدى قازاقپارات ءتىلشىسى.
«بۇنداي جايتتاردى تاراتۋعا بولمايدى، مەن ول تۋرالى ەشكىمگە ايتپادىم. سول كۇنى تاڭەرتەڭ ءبىزدىڭ ۇلكەن كورشىمىز پۋتينگە حابارلاستىم، ول تاڭعالىسىن جاسىرمادى. مەن ايتتىم: بۇل تۋرالى كەشكە حابارلايمىن، مەن ءسىزدىڭ ءوز اۋزىمنان ەستىگەنىڭىزدى قالادىم. ودان باسقا، مەملەكەت باسشىلارىنان ەشكىم بىلمەدى. مەملەكەتتى باسقارۋدان باس تارتۋ تۋرالى وي ماعان 2015 -جىلى كەلدى»، - دەدى ەلباسى نۇرسۇلتان نازاربايەۆ «حابار» تەلەارناسىندا كورسەتىلگەن «شتريحي ك پورترەتۋ. وتكروۆەنيە» اتتى دەرەكتى فيلمدە.
ەسكە سالا كەتەيىك، ەلباسى تۋرالى دەرەكتى فيلمنىڭ كورسەتىلەتىنى تۋرالى حابارلاعان ەدىك.