الماتىدا الەۋمەتتىك جەلى ارقىلى ەلدى الداعان ەكى جاس جىگىت ۇستالدى

الماتىنىڭ كريمينالدىق پوليتسياسى Instagram-دا «برەند كيىمدەردى ساتامىز» دەگەن جارنامامەن ادامداردى الداپ كەتكەن ەكى جەرگىلىكتى تۇرعىندى ۇستادى.

«الاياقتىق تىزبەگى وتە قاراپايىم بولعان. ۇستالعانداردىڭ ءبىرى - 25 جاستاعى ي. ەسىمدى ازامات الەۋمەتتىك جەلىدە «almaty.sneaker» جانە «top.sneakerkross» پاراقشاسى بار. وندا ول ءتۇرلى-ءتۇستى سۋرەتتەر مەن جەڭىلدىكتەر تۋرالى اقپاراتتار جاريالانعان. ال 19 جاستاعى ونىڭ سەرىكتەسى بولاشاق ساتىپ الۋشىلارمەن بايلانىسىپ، تاپسىرىس پەن تولەمدەردى قابىلداعان. ولار تۇسكەن پايدانى تەڭ ءبولىسىپ الىپ وتىرعان»، - دەيدى الماتى قالالىق پ د كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.

قازىرگى ۋاقىتتا كۇدىكتىلەرگە قاتىستى ق ر ق ك-نىڭ 190-بابى 2-ءبولىمى 4-تارماعى (الاياقتىق) بويىنشا سوتقا دەيىنگى تەرگەۋ جۇرگىزىلىپ جاتىر.

ەسكە سالا كەتسەك، جىل باسىنان بەرى الماتىدا 2 مىڭنان استام ينتەرنەت- الاياقتىق تىركەلدى.

اۆتور: الما مۇقانوۆا