جاپون جانكۇيەرلەرى ولگا رىپاكوۆانى وليمپيادا پاتشايىمى دەپ اتادى

None
None
توكيو. قازاقپارات - قازاقستان قۇراماسى توكيوداعى وليمپيادا ويىندارىنىڭ اشىلۋ سالتاناتىندا جانكۇيەرلەردى تامساندىردى.

قامشىبەك قوڭقابايەۆپەن بىرگە ەلىمىزدىڭ تۋىن كوتەرىپ شىققان ولگا رىپاكۆانىڭ كيىم ۇلگىسىن كوپشىلىك جىلى قابىلدادى، دەپ جازادى Olympic.kz.


وليمپيادانىڭ رەسمي تۇردە اشىلۋىنا بىرنەشە كۇن قالعاندا Forbes شولۋشىسى كوماندانىڭ فورماسىن ەڭ ستيلدى كيىم ۇلگىلەرى قاتارىنا جاتقىزعان بولاتىن. جانكۇيەرلەر مەن كورەرمەندەر ءۇشىن تۋ ۇستايتىن سپورتشىلارعا ارنايى تىگىلگەن كيىم توسىنسىي بولعانى انىق. توكيو ويىندارىنىڭ اشىلۋ سالتاناتىندا قازاقستان كومانداسى بوكسشى قامشىبەك قوڭقابايەۆ پەن جەڭىل اتلەت ولگا رىپاكوۆا باستاپ شىقتى. ولاردىڭ كيىم ۇلگىلەرى ۇلتتىق وليمپيادا كوميتەتىنىڭ تاپسىرىسى بويىنشا ارنايى تىگىلدى.


كيىم ۇلگىسىن دايىنداۋ بارىسىنا ءابىلحان قاستەيەۆ اتىنداعى مەملەكەتتىك مۇراجاي ونەرىنىڭ ماماندارى اتسالىسسا، ديزاين جانە كيىمدى تىگۋمەن تانىمال الماتىلىق مودەلەر ۆيولەتتا يۆانوۆا اينالىستى. ادەمى كويلەك ولگا رىپاكوۆانىڭ سىمباتىن ودان ءارى ارتتىرا ءتۇستى. شەتەلدىك جانكۇيەرلەر دە وليمپيادا چەمپيونىنىڭ كيىم ۇلگىسىن جوعارى باعالاپ، ماقتاۋ سوزدەرىن جاۋدىرىپ جاتىر.

«وليمپياداشىلار كيگەن كوستيۋمنىڭ ىشىندەگى ەڭ ادەمىسى. مەن جاپونيادانمىن. ءسىزدىڭ كومانداڭىزعا ويىندا ساتتىلىك تىلەيمىن». «مەن يتاليادانمىن. بۇل قىز - مەن ءۇشىن ەڭ ادەمى تۋ ۇستاۋشى». «ول كەرەمەت. اتىن بىلسە بولا ما؟».

سونداي- اق، جانكۇيەرلەر ۇ و ك Instagram پاراقشاسىنىڭ Direct-نە توقتاۋسىز جازىپ جاتىر. «سونداي ادەمى! كوپتەگەن جاپوندىقتار وسىلاي ويلايدى».


ودان بولەك، ءبىزدىڭ سپورتشىلار مەن تۋ ۇستاۋشىلار وليمپياداشىلار شەرۋىنە دەيىن دە، كەيىن دە كوپشىلىك نازارىندا بولدى. وليمپيادا اۋىلىنداعىلاردىڭ بارلىعى دەرلىك ءبىزدىڭ رىپاكوۆا جانە قوڭقابايەۆ سىندى سپورتشىلارىمىزبەن سۋرەتكە تۇسۋگە اسىقتى.


فوتو: Getty Images


سوڭعى جاڭالىقتار