پرەزيدەنت يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ەسەبىن تىڭدادى

None
None
نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆقا مەملەكەتتىك باعدارلامالاردىڭ جۇزەگە اسىرىلۋ بارىسى مەن يندۋستريا جانە ينفراقۇرىلىمدىق دامۋ مينيسترلىگىنىڭ بيىلعى جارتىجىلدىقتاعى جۇمىستارىنىڭ نەگىزگى باعىتتارى تۋرالى باياندالدى، دەپ حابارلايدى قازاقپارات مەملەكەت باسشىسىنىڭ باسپا ءسوز حاتشىسى بەرىك ءۋاليدىڭ فەيسبۋكتەگى پاراقشاسىنا سىلتەمە جاساپ.

مينيستر بەيبىت اتامقۇلوۆ وڭدەۋ ونەركاسىبىنىڭ دامۋى جونىندە ەگجەي-تەگجەيلى ەسەپ بەردى.

ونىڭ ايتۋىنشا، جىل باسىنان بەرگى ءوسىم كورسەتكىشى 5,6 پايىزعا، سونىڭ ىشىندە، فارماتسيەۆتيكا 31 پايىزعا، ماشينا جاساۋ سالاسى 22 پايىزعا، حيميا 2,8 پايىزعا جانە مەتاللۋرگيا 0,8 پايىزعا ارتقان.

بۇدان بولەك جىل سوڭىنا دەيىن قاسىمشا 126 دان استام جوبا ىسكە قوسىلادى. بۇل جوبالارعا 1,1 تريلليون تەڭگە كولەمىندە ينۆەستيتسيا سالىنعان.

مەملەكەت باسشىسىنا «نۇرلى جول» باعدارلاماسى اياسىندا جىل باسىنان بەرى ۇزىندىعى 2,2 مىڭ شاقىرىم اۆتوموبيل جولدارى پايدالانۋعا بەرىلگەنى جونىندە باياندالدى.

ترانزيتتىك جۇك تاسىمالى ارتىپ كەلەدى، سونىڭ ىشىندە، قىتاي - ەۋروپا - قىتاي باعىتى بويىنشا بۇل كورسەتكىش 59 پايىزعا وسكەن.

«نۇرلى جەر» باعدارلاماسى بويىنشا بۇگىندە 6,6 ميلليون شارشى مەتر تۇرعىن ءۇي پايدالانۋعا بەرىلگەن.

جىل سوڭىنا دەيىن بۇل كورسەتكىشتى 17 ميلليون شارشى مەترگە دەيىن جەتكىزۋ جوسپارلانىپ وتىر.

اڭگىمەلەسۋ سوڭىندا قاسىم-جومارت توقايەۆ ۆەدومستۆو جۇمىسىنىڭ نەگىزگى باعىتتارى بويىنشا تاپسىرما بەردى.

مەملەكەت باسشىسى جەرگىلىكتى قاتىناس جولدارىن دامىتۋ جانە قايتا جوندەۋ جۇمىستارىن، سونداي-اق، جالعا بەرىلەتىن تۇرعىن ۇيلەردىڭ قۇرىلىسىن ماڭىزدى مىندەتتەر رەتىندە اتاپ ءوتتى.

سوڭعى جاڭالىقتار