ۇلتتىق بانك ەكىنشى دەڭگەيلى بانكتەردىڭ وكىلدەرىمەن سيفرلىق تەڭگە جوباسىن تالقىلادى

None
None
نۇر-سۇلتان. قازاقپارات - قازاقستان ۇلتتىق بانكىنىڭ وكىلدەرى قارجى نارىعىنا قاتىسۋشىلارمەن سيفرلىق تەڭگە جوباسىن جانە سيفرلىق تەڭگەنى ەنگىزۋ جونىندەگى پيلوتتىق جوباعا ەكىنشى دەڭگەيلى بانكتەردىڭ قاتىسۋ مۇمكىندىگىن تالقىلادى، دەپ حابارلايدى ق ر ۇلتتىق بانكىنىڭ باسپا ءسوز قىزمەتى.

پىكىرتالاسقا 60 قاتىسۋشى، ونىڭ ىشىندە قارجى نارىعىنىڭ وكىلدەرى مەن تولەم جۇيەلەرى سالاسىنداعى حالىقارالىق ساراپشىلار قاتىستى.

كەزدەسۋ بارىسىندا حالىقارالىق تاجىريبەنى تالداۋ، پيلوتتىق جوباعا قاتىسۋعا قويىلاتىن تالاپتار مەن نارىققا قاتىسۋشىلاردى سيفرلىق تەڭگە پلاتفورماسىندا جاڭا قارجى ونىمدەرىن ازىرلەۋگە تارتۋ جونىندە جوسپارلار ۇسىنىلدى.

تەحنولوگيالار مەن تولەم جۇيەلەرىنىڭ جاپپاي دامۋىن ەسكەرە وتىرىپ، سيفرلىق تەڭگە قولدا بار قولما-قول جانە قولما-قول اقشاسىز تولەمدەرگە قوسىمشا جاڭا تولەم قۇرالى بولۋ الەۋەتىنە يە. ونىڭ مىندەتى - تولەم قىزمەتتەرى نارىعىندا باسەكەلەستىكتى كۇشەيتۋ، حالىق ءۇشىن يننوۆاتسيالىق سەرۆيستەردى ازىرلەۋدى جەدەلدەتۋ، سونداي-اق وڭىرلەردە قارجىلىق قىزمەتتەردىڭ قولجەتىمدىلىگىن ارتتىرۋ.

قازىرگى ۋاقىتتا تسيفرلىق ۆاليۋتانى قۇرۋ جانە ەنگىزۋ جونىندەگى جوبالاردى الەمدەگى ورتالىق بانكتەر جۇزەگە اسىرۋدا. قازاقستان ۇلتتىق بانكى جوبانىڭ ناتيجەلەرىن جۇرتشىلىقپەن جانە قارجى نارىعىمەن جاريا تالقىلاۋدى جالعاستىرۋدى جانە كەزدەسۋ قورىتىندىلارىن بۇقارالىق اقپارات قۇرالدارىندا جاريالاۋدى ماقسات تۇتىپ وتىر.

سوڭعى جاڭالىقتار