وڭىرلەردە قانداي ۆاكسينا بار؟

«بۇگىنگى تاڭدا ۆاكسينا العاننان كەيىن كووناۆيرۋسپەن اۋىرۋدىڭ 4765 جاعدايى تىركەلىپ وتىر. ءبىرىنشى كەزەڭنەن كەيىن 2384 جاعداي، ەكىنشى كەزەڭنەن كەيىن 2381 جاعداي بولعان. بۇل جالپى ۆاكسينا العانداردىڭ 0,09 پايىزى عانا. «سپۋتنيك V» ۆاكسيناسىنىڭ ءبىرىنشى كومپونەنتىمەن 2048، ەكىنشى كومپونەنتىمەن 2101 جاعداي (0,09 پايىز)، Hayat-Vax - 246 جانە 221 (0,09 پايىز)، CoronaVac - 45 جانە 11، QazVac - 41 جانە 45 جاعداي تىركەلدى»، - دەدى كوميتەت باسشىسى ورتالىق كوممۋنيكاتسيلار قىزمەتىندە وتكەن بريفينگىدە.

ايجان ەسماعامبەتوۆا قاي وڭىردە قانداي ۆاكسينا تۇرلەرى قالعانى تۋرالى دا مالىمەت ۇسىندى.

«بۇگىندە 582141 ءبىرىنشى كومپونەنتتىڭ دوزاسى، 1 ميلليون 194 مىڭ ەكىنشى كومپونەنت دوزاسى بار. CoronaVac ۆاكسيناسىنىڭ 20 مىڭ ءبىرىنشى كومپونەنت دوزاسى بار. بارلىق وڭىرلەردە ءار ءتۇرلى مولشەردە بار. ەڭ كوبى ماڭعىستاۋ وبلىسىندا. تەك شىعىس قازاقستان جانە اقتوبە وبلىستارىندا جوق. «سپۋتنيك V» ەكپەسىنىڭ 581 مىڭ ءبىرىنشى كومپونەنت دوزاسى بارلىق وڭىرلەردە بار. QazVac-تىڭ 3000 دوزاسى بار. ماڭعىستاۋ جانە اتىراۋ وبلىستارىندا كوپ. الماتى، جامبىل، قاراعاندى جانە تۇركىستان وبلىستارىندا بۇل ۆاكسينا قالعان جوق. «سينوفارمنىڭ» 6286 ءبىرىنشى كومپونەنت دوزاسى قالدى. بۇل ۆاكسينانىڭ ءبارى تەك ماڭعىستاۋ وبلىسىندا»، - دەدى سانيتارلىق-ەپيدەميولوگيالىق باقىلاۋ كوميتەتىنىڭ باسشىسى.