12:26, 23 - شىلدە 2021 | GMT +6
توكيودا وليمپيادا الاۋىنىڭ ەستافەتاسى اياقتالدى
نۇر-سۇلتان. قازاقپارات - جاپونيادا وليمپيادا الاۋى ەستافەتاسىنىڭ سوڭعى كەزەڭى اياقتالدى. اتالعان وقيعاعا قاتىستى سالتاناتتى ءراسىم توكيو مەرياسى عيماراتىنىڭ جانىندا وتۋدە، دەپ حابارلايدى قازاقپارات Оlympic.kz -كە سىلتەمە جاساپ.
ەستافەتانىڭ سوڭعى بولىگى 9-شىلدەدە باستالىپ، 15 كۇنگە سوزىلدى. كوروناۆيرۋستى ينفەكسيانىڭ ورشۋىنە بايلانىستى الاۋ ەستافەتاسى كورەرمەندەردىڭ قاتىسۋىنسىز، جابىق رەجيمدە وتۋدە. وسىدان سوڭ وليمپيادا الاۋى ويىننىڭ اشىلۋ سالتاناتى وتەتىن باستى وليمپيادالىق ارەناعا جەتكىزىلەدى. ازىرگە الاۋدى كىم جاعاتىنى بەلگىسىز. توكيو وليمپياداسى 23-شىلدە مەن 9-تامىز ارالىعىندا وتەدى.