قازاقستاندا ءبىر جىلدا بەنزين قانشالىقتى قىمباتتادى؟

None
None
نۇر-سۇلتان. قازاقپارات – ساراپشىلار قازاقستاندا بەنزين باعاسى بىلتىرعى ماۋسىممەن سالىستىرعاندا 13,6 پايىزعا وسكەنىن ايتتى، - دەپ حابارلايدى Energyprom.kz باسىلىمى.

باتىس قازاقستان جانە تۇركىستان وبلىستارى، سونداي- اق شىمكەنتتە جانارماي تيىسىنشە 17,2 پايىزعا، 17 پايىزعا جانە 16,5 پايىزعا قىمباتتادى. ەگەر جانارماي تۇرلەرىن الىپ قارايتىن بولساق اي-98 - 12,7 پايىزعا، اي-92 - 13,6 پايىزعا، اي-95/96 - 14,4 پايىزعا قىمباتتاعان.

Picodi.com دەرەكتەرى بويىنشا، ەۋروپا مەن ت م د ەلدەرى اراسىندا بەنزين باعاسى ەڭ ارزانى قازاقستاندا. 2021 -جىلدىڭ ءبىرىنشى جارتىسىندا وتىننىڭ ورتاشا باعاسى 185,51 تەڭگە (0,43 دوللار) بولدى. قازاقستان رەيتينگكە ەنگەن 26 ەلدىڭ ىشىندە ءبىرىنشى ورىندى يەلەندى. بەنزين باعاسى ەڭ قىمبات ەل - فينليانديا (1,90 دوللار).

الايدا ەل تۇرعىندارى جالاقىسىنا قانشا بەنزين ساتىپ الا الاتىنىن قاراستىراتىن بولساق، جاعداي وزگەرەدى. قازاقستان 26 ەلدەن جەتىنشى ورىندى يەلەنەدى. ورتاشا العاندا، ءاربىر قازاقستاندىق جالاقىسىنا (سالىقتاردى شەگەرگەندە) 1015 ليتر بەنزين ساتىپ الا الادى. رەيتينگ كوشباسشىلارى - گەرمانيا (1786 ليتر) ، شۆەتسيا (1771 ليتر) جانە فينليانديا (1589 ليتر) .

جىل باسىنان 2021 -جىلدىڭ مامىرىنا دەيىن قازاقستاندا بەنزين ءوندىرىسى 4,6 پايىزعا ارتتى. وسى كەزەڭدە بارلىعى 1,9 ميلليون توننا بەنزين وندىرىلگەن. وتىن ءوندىرىسى بويىنشا پاۆلودار وبلىسى كوش باستاپ تۇر. جەرگىلىكتى ءموز 678,5 مىڭ توننا نەمەسە جالپى كولەمنىڭ 38,6 پايىزىن ءوندىردى.

2021 -جىلدىڭ العاشقى ءتورت ايىنىڭ قورىتىندىسى بويىنشا بەنزين نارىعى تولىعىمەن وتاندىق وندىرىسپەن قامتاماسىز ەتىلگەن. يمپورت سۇرانىستىڭ تەك 0,03 پايىزىن قۇرادى.

بۇعان دەيىن الەمدە بەنزين باعاسى 2020 -جىلى 11 پايىزعا تومەندەگەنى حابارلانعان بولاتىن.

سوڭعى جاڭالىقتار