پرەزيدەنت اۋىل اكىمدەرىنىڭ سايلاۋى تۋرالى: بۇل وقيعا ساياسي جاڭعىرۋدىڭ جاڭا كەزەڭىن بىلدىرەدى
بۇل وقيعا ساياسي جاڭعىرۋدىڭ جاڭا كەزەڭىن بىلدىرەدى. بۇل تۋرالى ق ر پرەزيدەنتى قاسىم-جومارت توقايەۆ تۆيتتەردەگى پاراقشاسىندا جازدى.
«25-شىلدە كۇنى قازاقستاندا العاش رەت اۋىل اكىمدەرىنىڭ تىكەلەي سايلاۋى وتەدى. بۇل وقيعا ساياسي جاڭعىرۋدىڭ جاڭا كەزەڭىن بىلدىرەدى. سايلاۋشىلاردى بەلسەندى داۋىس بەرۋگە شاقىرامىن. حالىقتىڭ مۇددەسى ءۇشىن بارلىق قاجەتتى وزگەرىستەردى جۇزەگە اسىرۋ كەرەك»، - دەپ جازدى توقايەۆ.
ەسكە سالساق، 25-مامىردا پرەزيدەنت قاسىم-جومارت توقايەۆ سايلاۋ تۋرالى كونستيتۋتسيالىق زاڭعا وزگەرتۋلەر مەن تولىقتىرۋلار ەنگىزۋدى كوزدەيتىن قۇجاتقا قول قويعان بولاتىن. ۇلتتىق ەكونوميكا مينيسترلىگى اۋىل اكىمەرىن تىكەلەي سايلاۋ قالاي وتەتىندىگىن جانە ق ر پرەزيدەنتى اكىمشىلىگى باسشىسىنىڭ ورىنباسارى مالىك مىرزالين اكىم سايلاۋىنا تۇسەتىن كانديداتتارعا قويىلاتىن تالاپتاردىڭ سەبەبىن ءتۇسىندىردى.
سونداي-اق، مەملەكەت باسشىسى اۋىل اكىمدەرىن سايلاۋ ماسەلەلەرى جونىندە كەڭەس وتكىزدى. العاشقى لەكپەن اۋىل اكىمىن سايلايتىن ەلدى مەكەندەردىڭ تولىق ءتىزىمىن مىنا سىلتەمەدەن كورۋگە بولادى.