08:10, 23 - شىلدە 2021 | GMT +6
بۇگىن توكيو وليمپياداسىنىڭ الاۋى تۇتانادى
نۇر-سۇلتان. قازاقپارات - بۇگىن، ياعني 23-شىلدە كۇنى توكيو وليمپياداسىنىڭ الاۋى تۇتانادى، دەپ حابارلايدى قازاقپارات ۇلتتىق وليمپيادا كوميتەتىنە سىلتەمە جاساپ حابارلايدى.
وليمپيادا ويىندارىنىڭ رەسمي سالتاناتتى اشىلۋ ءراسىمى نۇر- سۇلتان ۋاقىتىمەن 17:00 دە باستالادى. ال ادەتتەگىدەي اشىلۋ راسىمىنەن بۇرىن وليمپياداشىلار العاشقى ىرىكتەۋ سىندارىن باستايدى. ولاردىڭ قاتارىندا قازاقستان سپورتشىلارى دا بار.
اتاپ ايتساق، العاشقى جارىس كۇنى قازاقستاندىق سپورتشىلار اكادەميالىق ەسۋ جانە ساداق اتۋدان سىنعا تۇسەدى.
23-شىلدەگە ارنالعان جارىس كەستەسى:
نۇر-سۇلتان ۋاقىتىمەن:
ساداق اتۋ. ەرلەر: سانجار مۇسايەۆ، يلفات ابدۋللين، دەنيس گانكين. باستالۋى: 10:00.
اكادەميالىق ەسۋ، ىرىكتەۋ: ۆلاديسلاۆ ياكوۆليەۆ باستالۋى: 5:30
ەستەرىڭىزگە سالا كەتەيىك، توكيو وليمپياداسىندا الەمنىڭ 200 مەملەكەتىنەن كەلگەن 11 مىڭعا جۋىق سپورتشى سپورتتىڭ 33 تۇرىنەن باق سىنايدى. اتلەتتەر جالپى ەسەبى 339 جۇلدە جيىنتىعىن ساراپقا سالادى.
اۆتور: كۇنسۇلتان وتارباي