22:11, 22 - شىلدە 2021 | GMT +6
بەكزات نۇرداۋلەتوۆتىڭ كاۆكازدىق قارسىلاستارى مىقتى - باس باپكەر
نۇر-سۇلتان. قازاقپارات - بوكستان قازاقستان ەرلەر قۇراماسىنىڭ باس باپكەرى عالىمبەك كەنجەبايەۆ توكيو وليمپياداسىندا 81 كەلىدە ونەر كورسەتەتىن بەكزات نۇرداۋلەتوۆتىڭ العاشقى قارسىلاستارى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.
«بەكزاتتىڭ جەرەبەسى وڭاي دەپ ايتۋعا بولمايدى. رەسەيلىك يمام حاتايەۆ دەگەن بوكسشى - وتە مىقتى سپورتشى. فيزيكالىق جاعىنان، پسيحولوگيالىق جاعىنان دا مىعىم. سول جەكپە-جەكتى جاقسى وتكىزسە، ءارى قاراي ءبىز بىلەتىن يسپانيانىڭ ۇلتى داعىستاندىق بوكسشىسى بار. شەشەنستاندىق حاتايەۆ تا، بۇل داعىستاندىق تا فيزيكالىق جانە پسيحولوگيالىق جاعىنان مىعىم كەلەتىنىن ءبىلىپ وتىرسىزدار. بەكزاتقا وسى ءبىرىنشى جەكپە-جەكتەردەن جاقسىلاپ ءوتۋ كەرەك. ونىڭ دايىندىعى جاقسى. بەكزاتقا سەنەمىز. جەكە باپكەرى مارات جاكيەۆ تە قاسىندا. دايىندىق ەرەكشە بولىپ جاتىر. بەكزاتتان ءبىز ءۇمىت كۇتەمىز»، - دەدى عالىمبەك كەنجەبايەۆ.
سونداي-اق، باس باپكەر 75 كەلىدە سىنعا تۇسەتىن ءابىلحان امانقۇلدىڭ جاراقاتى تۋرالى پىكىر ءبىلدىردى.