كوروناۆيرۋس: مەديتسينا قىزمەتكەرلەرگە ۇستەمەاقى بەرۋ توقتاتىلادى، كەي باعىتتا ساقتالادى

«وسى تاۋەكەل توبى ءبىر قىزمەتكەرگە ۇستەمەاقى مولشەرى 2021-جىلعى 1 - تامىزعا دەيىن رەسپۋبليكالىق بيۋجەت تۋرالى زاڭدا بيىل بەلگىلەنگەن ەڭ تومەن جالاقىنىڭ جيىرما ەسەلەنگەن مولشەرىنەن جانە 2021-جىلعى 1 - قازانعا دەيىن - ون ەسەلەنگەن ە ت ج م- دەن اسپايدى»، - دەپ جازىلعان بۇيرىقتىڭ جاڭا نۇسقاسىندا.

دەنساۋلىق ساقتاۋ مينيسترلىگىنىڭ حابارلاۋىنشا، 2021-جىلعى 1 - اقپاننان باستاپ حالىقتى جانە دەنساۋلىق ساقتاۋ جۇيەسى قىزمەتكەرلەرىن جاپپاي ۆاكسينالاۋ باستالدى. سونىمەن بىرگە، مەديتسينا قىزمەتكەرلەرى قورعانىس قۇرالدارىمەن قامتاماسىز ەتىلگەن.

وسىلايشا، ەرەكشە جانە زياندى ەڭبەك جاعدايلارىندا مەديتسينالىق كومەك كورسەتەتىن دەنساۋلىق ساقتاۋ جۇيەسىنىڭ قىزمەتكەرلەرىن قولداۋدىڭ جۇيەلى شارالارىنا كوشۋ ماقساتىندا ۇستەماقىلار مولشەرىن كەزەڭ-كەزەڭىمەن تومەندەتۋ ۇسىنىلادى:

تامىزدان قىركۇيەككە دەيىن - بەلگىلەنگەن مولشەردەن %50 جانە 1 - قازاننان باستاپ ۇستەماقى تولەۋ توقتاتىلادى.

بۇل رەتتە رەانيماتولوگ-انەستەزيولوگتار، ينفەكتسيونيستەر، رەانيماتولوگيا جانە انەستەزيولوگيا بولىمشەلەرىنىڭ انەستەزيستەرى، ەپيدەميولوگتار، پسيحولوگتار جانە مساك الەۋمەتتىك قىزمەتكەرلەرى، يادرولىق مەديتسينا ورتالىعىنىڭ قىزمەتكەرلەرى، يادرولىق مەديتسينا-پاتولوگوناتومدارعا ۇستەمەاقى تولەۋ جالعاسادى»، - دەيدى مينيسترلىك.

اتالعان بۇيرىق 2021-جىلعى 1 - تامىزدا قولدانىسقا ەنگىزىلەدى.