جەكي چاننىڭ قازاق دوسى كىم ەكەنىن بىلەسىز بە؟

جەكيمەن سۋرەتكە تۇسپەك تۇگىلى يىق تىرەسكەن دوستارىنىڭ ءبىرى بولعان قازاق ول - سۋرەتشى بەكسەيىت تۇلكيەۆ بولاتىن، - دەپ جازادى alashinform.kz اقپاراتتىق اگەنتتىگى.

ول تەك سۋرەتشى عانا ەمەس، اتاقتى سپورتشى دا بولدى: كاراتە، ۋ- شۋ، تايكۆوندو شەبەرى، وسى سپورت ءتۇرىنىڭ قازاقستانداعى فەدەراتسياسىنىڭ تۇڭعىش پرەزيدەنتى ءارى قارا بەلبەۋ (5 دان) يەسى ەكەنىن كوپ جاستارىمىزدىڭ بىلە بەرمەسى انىق. بەكسەيىت ومىردەن وتكەندە، بار- جوعى قىرىق ءۇش جاستا بولاتىن. قازاقتىڭ حاس باتىرى مۇستافا وزتۇرىك پەن جەكي چان جان دوستارى بولدى. ونەر مەن سپورتتى تەڭدەي ۇستادى.

بىردە اسقار سۇلەيمەنوۆ ءومىرىنىڭ سوڭىندا «پاراسات» جۋرنالىندا جۇمىس ىستەپ جۇرگەن كەزى، كوك بازاردىڭ جانىنداعى باسپا ءسوز ءۇيىنىڭ باسپالداعىنان تومەن ءتۇسىپ كەلە جاتادى. ۇلتى سلاۆيان قوس بۇزاقى جىگىت، ادام قاراسى جوقتىعىن پايدالانىپ، اسەكەڭنىڭ ۇستىندەگى كۋرتكاسىنا قىزىقسا كەرەك، دەرەۋ شەشىپ الماق بولادى. اسەكەڭ اڭتارىلىپ تۇرعاندا، قۇداي جارىلقاپ، بەكسەيىت جوعارى كوتەرىلىپ كەلە جاتادى. بىردەڭەنى ءىشى سەزە قويعان بەكسەيىت: - اسەكە، مىنالارىڭ كىم؟ - دەيدى عوي. اسەكەڭ ايتىپ ۇلگەرمەي جاتىپ، قوس جىگىتتىڭ جەردە جايراپ جاتقانىن ءبىر- اق كورەدى. «ويپىرماي، بەكسەيىتتىڭ جىلدامىن- اي!» - دەپ، اسقار سۇلەيمەنوۆ جىرداي ەتىپ ايتىپ ءجۇردى دەيدى.

رافحات جۇماباي