بالالاردىڭ جازعى دەمالىسىنا 4,4 ميلليارد تەڭگە جۇمسالادى
بۇل تۋرالى ق ر پرەمەر-ءمينيسترى اسقار مامين سەنات وكىلدەرىنىڭ دەپۋتاتتىق ساۋالىنا بەرگەن جاۋابىندا ايتتى.
«بالالاردىڭ ساۋىقتىرۋ دەمالىسىن قامتاماسىز ەتۋ ءۇشىن «2020-2023-جىلداردىڭ كانيكۋل كەزەڭىندە بالالاردىڭ ساۋىقتىرۋ دەمالىسىن، بوس ۋاقىتىن جانە جۇمىسپەن قامتىلۋىن ۇيىمداستىرۋ تۋرالى» قازاقستان رەسپۋبليكاسى پرەمەر-ءمينيسترىنىڭ 2020-جىلعى 14- قاڭتارداعى 1№ وكىمى قابىلداندى»، - دەپ جازىلعان ۇكىمەت باسشىسىنىڭ جاۋابىندا.
ونىڭ ايتۋىنشا، بيىل جازدا دەمالىسپەن جانە ساۋىقتىرۋمەن 1863228 بالا قامتىلعان. ونىڭ ىشىندە «بالداۋرەن» رەسپۋبليكالىق وقۋ-ساۋىقتىرۋ ورتالىعىندا جىل سايىن 15 مىڭنان استام وقۋشى دەمالىپ، وڭالتۋدان وتەدى.
«2021-2024-جىلدارعا ارنالعان رەسپۋبليكالىق بيۋجەتتە بالالاردى ساۋىقتىرۋ، وڭالتۋ جانە ولاردىڭ دەمالىسىن ۇيىمداستىرۋ ءۇشىن 4,4 ميلليارد تەڭگە قاراستىرىلعان. بالالاردىڭ دەمالىسىن، جۇمىسپەن قامتىلۋىن، ساۋىقتىرۋ جانە وڭالتۋ شارالارىمەن قامتاماسىز ەتۋ ماسەلەلەرى ۇكىمەتتىڭ تۇراقتى باقىلاۋىندا»، - دەپ تۇيىندەدى اسقار مامين.