تاۋەلسىزدىك 30 جىلدىعى: ەلوردالىق مەتسەنات بيزنەسمەندەرگە ۇندەۋ جولدادى

«نۇر-سۇلتان قالاسىندا مەتسەنات دەگەن اتقا ساي تۇرعىندار كوپ ەكەنىنە سەنىمدىمىن. «رۋحاني جاڭعىرۋ» باعدارلاماسىنىڭ اياسىندا «قايىرىمدى ىستەر مارافونى» جانە «30 قايىرىمدى ءىس» اتتى اكسيالار ءوتىپ جاتقانىن بىلەسىزدەر. مەن دە سول اكسيالارعا قاتىسىپ ءجۇرمىن. سىيلىقتىڭ ەڭ جاقسىسى ءوز قولىڭمەن ىستەگەن» دەگەندەي، قۋانىشبايەۆ اتىنداعى قازاق دراما تەاترىنا ءوز قولىمنان شىققان كەسكىندەمەلىك پانو سىيلاعان بولاتىنمىن. بۇل موزايكادا قازاق جىگىتتەرىنىڭ ءور رۋحى اسپەتتەلگەن. نارىقتاعى قۇنى - 35 م ي لليون تەڭگە»، - دەدى مەتسەنات قالالىق اكىمدىك وتكىزگەن ونلاين بريفينگىدە.

ديزاينەر جاقىن ادامعا جاردەمدەسۋ قازاق حالقىنىڭ قانىندا بار قاسيەت ەكەنىن ايتىپ، ارىپتەستەرىن، كۇن سايىن يگى ىستەرگە مۇرىندىق بولۋعا شاقىردى.

«قايىرىمدى ىستەر مارافونى» اياسىندا الەۋمەتتىك جوبالارمەن اينالىساتىن ۇكىمەتتىك ەمەس ۇيىمدارعا ءوزىم كەسكىندەگەن 7 ەسىكتى سىيعا تاراتتىم. ولاردىڭ جالپى قۇنى - 4 ميلليون تەڭگە. سونىمەن بىرگە مەن اۆتوۆولونتەر رەتىندە دە «رۋحاني جاڭعىرۋ» جوبالىق كەڭسەسىنىڭ جۇمىستارىنا اتسالىسامىن. پاندەميا كەزىندە مۇقتاج وتباسىلارعا ازىق-تۇلىك پەن تۇرمىسقا قاجەتتى زاتتار جەتكىزىپ بەردىك. بارشا وتانداستارىمىزدى، بيزنەسمەن ارىپتەستەرىمدى قايىرىمدى ىستەر اكسيا اياسىندا عانا ەمەس، كۇن سايىن جاساۋعا ۇندەگىم كەلەدى. جاقىنعا جارلەمدەسۋ - ءبىزدىڭ قانىمىزدا بار قاسيەت. سوندىقتان ءوزىمىزدىڭ كىم ەكەنىمىزدى ۇمىتپاي، اينالامىزعا كومەكتەسە جۇرەيىك»، - دەدى مانسۋرا جاكەن.