قىتايدا نوسەر جاڭبىر 12 ادامنىڭ ءومىرىن قيىپ كەتتى

None
None
جەنچجوۋ. سينحۋا- قازاقپارات - قىتايدا حەنان پروۆينسياسىنىڭ جەنچجوۋ قالاسىنىڭ ورتالىق اۋداندارىندا نوسەر جاڭبىردىڭ سالدارىنان 12 ادام كوز جۇمدى، دەپ حابارلايدى قازاقپارات سينحۋا اگەنتتىگىنە سىلتەمە جاساپ.

جەرگىلىكتى بيلىك 100 مىڭعا جۋىق تۇرعىندى قاۋىپسىز جەرلەرگە ەۆاكۋاتسيالادى. 18- شىلدە ساعات 18:00-دەن 21 -شىلدە ساعات 00:00-گە دەيىن جەنچجوۋ قالاسىندا جينالعان جاۋىن- شاشىننىڭ ورتاشا مولشەرى 449 م م- گە جەتتى. جەنچجوۋدۋن تەمىرجول ستانسياسىندا 160-تان استام پويىز توقتاتىلدى، سالدارىنان كوپتەگەن جولاۋشىلار قيىن جاعدايعا تاپ بولدى.

وسىعان دەيىن حابارلانعانداي، قىتايدىڭ جەنچجوۋ قالاسىندا نوسەر جاڭبىر سالدارىنان كولىك قاتىناسى توقتاپ، ەلەكتر قۋاتىنىڭ جۇمىسى بۇزىلعان. سينوپتيكتەردىڭ بولجامىنشا، حەنان پروۆينتسياسىندا نوسەر جاڭبىر 21- شىلدەگە دەيىن سوزىلادى.

اۆتور: گۇلزات اقجولوۆا


سوڭعى جاڭالىقتار